විහඟුන් ගී ගයනා ආදර සිහිනේ
ආසයි විඳින්නට ඔබේ සෙනෙහේ
නොපිපුන කුසුමකි ඒ ආලේ
ඉඩ දෙනු පිපෙන්නට රහසේ…
කුලුඳුල් හැඟුම් පොදි මාගේ
පාවෙයි සිහින් රොද මෙන් අහසේ
කියන්නට නම් බෑ බෝහෝ සේ
දැනුන ආලය පෙම් සිත අස්සේ…
සොඳුරු සිතුවිලි ගලනු මේ පැයේ
ලියනු විනා මුදු පෙම් කවි සිතේ
පෙනෙන ලෙසින් ඔබ ඇවිදින රැයේ
තබන්නම් මේ සැම කැටපත් පවුරේ…
තනිව කරන්නම් රහසින් ප්රේමේ
රැඳෙමින් තවමත් ඔබෙ සිත් අහසේ
දිලුනත් අන් තරු නොබියව මුදුනේ
මා පමණයි ඔබෙ ලොව දුටුවේ…
නොකියූ හද හැඟුමන් පෙර සේ
කියන්න ද ළං වී ඔබෙ තුරුලේ
නොදනිමි තවමත් ඔබෙ සෙනෙහේ
අතරමගයි මම ඒ පාරේ...
