දුටු දා පටන් මම මේ නව ලෝකය
දුන්නා වදන් ගෙන යන්නට ජීවිතය
යන්නට පෙන්නුවේ හැමවිට යහ මගය
වැන්ඳේ බුදුන් යැයි ඔබ දෙපලය
කාලය සෙමෙන් යයි අප සිත් එක ලෙසය
කුලුඳුල් මටත් ඔබේ සෙනෙහස ඇතිය
නොපතමි තව යමක් ඔබගෙන් මේ භවය
රැඳෙනු සාදාකල් ඔබ මා අසලමය
නමදිමි දෙපා ඔබගේ හදපිරි බැතියෙන්ම
නැත පමණක් පතමින් මා අනුහස්ම
ඒ සැමවිටම අසමින් දෙන ඔවදන්ම
පතනෙමි මම ඔබේ නිරෝගී සුවයම
වදනුත් මදි ඔබෙ ගුණ ගයන්නම
හැඟුමුත් මදි ඔබේ සිත් තෙමන්නම
ගෙවනත් මදි ඔබ දුන් ණය මේ සසරම
වඳින්නම් දෙපලම ඔබ එබැවින් හැමදාම
නැත මට සරණ ඔබ හැර මෙලොව වෙන
නැත මට අරමුණු ඔබගෙන් වෙන් වන්න
නැත මට අන් සෙනෙහසක් ඔබ දුන් ලෙස ලබන්න
නැත මට අදහසක් ඔබ තනි කර ලන්න
කල හැම දෙය මා අඳුරෙන් රැක ගන්න
ආසිරි වේවා ඔබට මේ සසරෙන් ගොඩ වන්න
පතනෙමි ඔබේ අවසර මෙතැනින් නවතින්න
මතු සන්සාරෙත් යලි ඔබෙගේ පුතු වෙන්න
No comments:
Post a Comment